Говьсүмбэр аймаг дахь Шүүхийн тамгын газрын “Иргэдэд үйлчлэх төв”-д “ГЭРЭГЭ” киоск төхөөрөмжийг суурьлуулаад 3 жил болж байна. Төрийн ихэнх үйлчилгээ цахимжиж байгаатай холбоотойгоор сайжруулалт хийх шаардлага тулгарч “ГЭРЭГЭ” ХХК-д хүсэлт тавьж, тухайн системийн ажиллагаанд сайжруулалт хийгдлээ. Үүнд:
- Төрийн үйлчилгээний “ХУРДАН” системд холбогдож, төрийн үйлчилгээг шүүхээр үйлчлүүлж байгаа иргэд төдийгүй бусад иргэн, аж ахуйн нэгж байгууллага шүүхийн байрнаас төрийн бүх үйлчилгээг түргэн шуурхай авах нөхцөл бүрдлээ.
- Төхөөрөмжийн сайжруулалтын үр дүнд банкны пос машиныг сольж, тоон гарын үсэг авах боломжийг бүрдүүлэн иргэний үнэмлэх уншигч төхөөрөмж байршуулж, “Иргэдэд үйлчлэх төв”-д тухайн системийн үйлчилгээний заавар, “КИОСК” төхөөрөмжөөс авч болох бүх төрлийн үйлчилгээний талаар мэдээллийг байршууллаа.
Ингэснээр шүүхээр үйлчлүүлж байгаа иргэдийг чирэгдүүлэхгүй үйлчлэх боломж бүрдлээ.
МЭДЭЭЛЭЛ БЭЛТГЭСЭН:
МЭДЭЭЛЭЛ ЛАВЛАГААНЫ МЭРГЭЖИЛТЭН Р.МӨНХБАТ